Blog

Me rastin e shënimit të 146 vjetorit të Lidhjes së Prizrenit, pata nderin të jem pjesëmarrëse në këtë ngjarje të organizuar nga Ministria e Kulturës, Rinisë dhe Sportit. Ky shënim, që përkujton një nga momentet më të rëndësishme në historinë e kombit tonë, pati një rëndësi të veçantë këtë vit. Ndër të pranishmit ishte edhe Lugina e Preshevës, duke nënvizuar kështu rëndësinë e bashkimit dhe solidaritetit kombëtar.

U përkujtua me përuljen më të madhe vepra e çdonjërit që i dhanë bazë themelimit të shtetit shqiptar. Në këtë përvjetor të rëndësishëm, të gjithë së bashku u bashkuam për të nderuar dhe vlerësuar sakrificat dhe përkushtimin e rilindasve tanë, të atyre që patën vizionin sa të qartë aq edhe jetik për të ardhmen e shqiptarëve.

Nesër, në vendbanimin tuaj do të zhvillohet procesi i rivotimit për Zgjedhjet Lokale 2024.

Kontributi juaj demokratik nesër do jetë i rëndësishëm.

Me ju në këtë vendvotim ne së bashku do të vulosim fitoren tonë!

Mundësitë janë që edhe ta thellojmë fitoren e 2 qershorit.

Nesër nga ora 07:00 deri 20:00 vendvotimi do jetë i hapur për secilin prej jush, aty ku vota juaj bën diferencën.

Me Mendje dhe Zemër, për Leranin dhe Golemidollin!

Nesër, me 13 qershor rretho numrin

PARTIA PËR VEPRIM DEMOKRATIK- ARDITA SINANI

Sonte pata kënaqësinë të jem pjesë e publikut në shfaqjen teatrore “Qeni i Baskërvilëve” në Shtëpinë e Kulturës në Preshevë.

Nën regjinë e jashtëzakonshme të Kastriot Saqipi dhe Jon Saqipi, dhe me interpretimet brilante të aktorëve Djellza Dema, Blerina Veseli dhe Bleron Hevziu, kjo shfaqje solli magjinë e teatrit në skenë.

Kultura jonë është e pasur dhe këto talente të reja janë një dëshmi e gjallë e asaj se sa shumë mund të arrijmë kur mbështesim artin dhe artistët tanë.

Me mendje te kultura dhe me zemër për të inkurajuar aktorët e rinj, ju ftoj të gjithëve të mbështesim dhe të ndjekim më shumë shfaqje të tilla.

Sot bashkë me kandidatët për këshilltarë nga lista jonë për njësitë nga 1 deri 9 në qytetin e Preshevës, e bashkveprimtarë pamë nga afër pikat kryesore në qytet, e ku pas 2 qershorit me qeverisjen tonë me MENDJE dhe ZEMËR do të fillojmë me projekte konkrete.

Duke filluar nga rigjallërimi i Çarshisë së Vjetër. Projekt ky i filluar në vitin 2022 gjatë qeverisjes sime e i mbështetur nga Qeveria e Republikës së Kosovës, respektivisht nga Ministri i mjedisit, planifikimit hapësinor dhe infrastrukturës.

Projekti ideor për rigjallërimin e Çarshisë së Vjetër është punuar dhe përpiluar nga ekspertë të fushës së urbanizmit dhe arkitekturës e është mbështetur nga Ministria e Kulturës e Republikës së Kosovës. Ka mbetur vetëm implementimi.

E kjo mund të arrihet vetëm me njerëz që bashkëpunimin e bashkërendimin me Republikën e Kosovës e kanë primare.

Rigjallërimi i Çarshisë së Vjetër do të jetë i rëndësishëm për historinë e djeshme e për kulturën e sotme.

Ndërtimi i një parku rekreativ tek ish Tregu i gjelbërt është pika tjetër e rëndësishme që do të bëhet me qeverisjen tonë.

Hapësirë rekreative, e shoqëruar me parking nëntokësor, si nevojë e domosdoshme për qytetin.

Ndërtimi i Hallës Sportive të Preshevës, poashtu i mbështetur nga bashkëvendasi ynë, Ministri Liburn Aliu, ishte projekti tjetër i rëndësishëm i paraparë në vitin 2022 gjatë qeverisjes sime. Do të vazhdohet intenzivisht deri në realizimin përfundimtar.

Është e papranueshme që Komuna e Preshevës të mos ketë Hallë të Sportit.

Poashtu intervenimi në përmirësimin e infrastrukturës rrugore në pjesë të ndryshme të qytetit është nevojë e domosdoshme për qytetarët tanë.

Të gjitha këto ia ekspozuam sot qytetarëve që i takuam.

E të gjitha këto mund të bëhen vetëm atëherë kur Komuna e Preshevës të qeveriset me MENDJE dhe ZEMËR.

PARTIA PËR VEPRIM DEMOKRATIK – ARDITA SINANI